قوتابخانەی فام قوتابخانەیەکی ئینگلیزی ناحکوومییە، شوێنی جوگرافی شاری ڕانییەیە، لە ساڵی ٢٠١٧ -٢٠١٨ دامەزراوە، یەکەمین قوتابخانەی ناحکوومی ئینگلیزی-ییە لە دەڤەرەکەدا، خوێندن تێیدا بە زمانی ئینگلیزییە، هاوکاتی خوێندنی زمانی ئینگلزی زمانی کوردیش بە گرنگییەوە دەخوێندرێت، بە جۆرێک هەر لە پۆلی یەکەمەوە دەبێت هەموو قوتابییەک بتوانێت بنووسێت و بخوێنێتەوە.

قوتابخانەکەمان لە لایەن تیمێکی شارەزا و ئەزموندیدەوە بەڕێوە دەبرێت لە هەمان-کاتدا خاوەنی بەئەزموونترین و لێهاتووترین مامۆستاکانی سنورەکەیە.

ئەو قۆناغانەی لە قوتابخانەکەمان وەردەگیرێن بۆ ساڵی خوێندنی2022_2023:

پۆلی یەکەم تا پۆلی هەشتەم.

لە ئاستی پۆلی یەکەم و دوەم منداڵ هەڵسەنگاندی بۆ ناکرێت و ڕاستەوخۆ وەردەگیرێت، بەڵام لە ئاستی 3_8 سێیەم تا هەشتەم قوتابی هەڵسەنگاندنی زمان و زانست ـی بۆ دەکرێت، بە فلتەردا تێپەڕ دەبێت و ئینجا وەردەگیرێت.

تایبەتمەندییەکان:
• فێرکردنى زمانى ئینگلیزى ئامانجى یەکەممانە. هاوکات زمانی کوردی گرنگی زۆری پیدەدرێت.
• قوتابخانەکەمان لە لایەن بڕاندی ئەمریکی «AiAA»سەرپەرشتى و چاوەدێرى دەکرێت.
• خوێندنى تەواوى وانەکان بە زمانى ئینگلیزییە، جگە لە وانەى کوردى.
• زمانى قسەکردن و زانست لە قوتابخانە زمانى ئینگلیزییە، واتا ئینگلیزى زمانى یەکەمە.
• زانستە پەروەدەیی و کۆمەڵایەتییەکان کارى لەسەر دەکرێت، منداڵ ڕادەهێنرێت لەسەر بەها بەرزەکان.

بوونی باڵەخانەی سەربەخۆ و مۆدێرن. لەسەر ڕووبەڕیکی فراوان و بەتەواوی کەرەستەی پێویستـەوە.

کارنامە و پلان:
• لە هەفتەیەکدا پینج ڕۆژ دەوام هەیە، ڕۆژانی هەینی و شەممە پشووە.
• ڕۆژانە لە کاژێر 8ــى بەیانییەوە، تا 3ــى دوانیوەڕۆ.
•لە هەر ڕۆژێکدا 7وانە دەخوێندرێت.
• وانەکانی موزیک و هونەر و وەرزش گرنگی زۆریان پێدەدرێت.

ستافى كار:
• لەلایەن ستافێکى ئەزموونکار و ڕاهێنراو بەڕێوە دەبرێت و سەرپەرشتى دەکرێت.
• بەڕێژەى لەسەدا سەدى کارمەندان و مامۆستايان، ئینگلیزى زانن. زمانى ئاخافتنى قوتابخانە زمانى ئینگلزییە.
• مامۆستاکان ئەزموون کارن، لەسەر شێوازە مۆدێرنەکانى فێرکردن ڕاهێنراون.
• یاریی و گۆرانى، ئەکت و موڤى، دەکرێنە تاکە ئامرازى فێرکردن.

شێوازى قيستەکان:
• پارەى خوێندن بۆ ساڵێک 1800,000 دینارە، بە چوار قست دەتوانن پارەکە بدەن بەم شێوەی خوارەوە:

قیستی یەکەم: دەستپێکی دەوام 500,000 دینار.

قیستی دوەم: مانگی دوانزدە 400,000 دینار.

قیستی سێیەم: مانگی دوو 500,000 دینار.

قیستی چوارەم: مانگی چوار 400,000 دینار.

بۆ ئەو خێزانانەى دوو منداڵ و سێ منداڵیان هەیە داشکاندن دەکرێت.

کافتریا و هاتوچۆ:
• کافتریایی ئامادەکراو هەیە بە ڕووبەرى 2000مەتر. و بە کەرەستەى مۆدێرن و شێفى شارەزاو بە ئەزموون .
• لەڕۆژێکدا دوو ژەم خواردن دەدرێت بە منداڵان بەسەرپەرشی کارمەندی تەندروستی تایبەت.
• لە خشتەی خواردندا ڕەچاوی خواردنی تەنددروست و بەسود بۆ گەشەی منداڵان کراوە.
پاسى هاتووچۆ دەستەبەر دەکرێت و لەلایەن کارگێر باخچەوە سەرپەرشتى و چاودێرى دەکرێت.

ژمارە مۆبایلی قوتابخانە

07501184343

07702548383

ڤایبەری قوتابخانە:

07501184343